"اردو کی اہمیت کہیں کھو سی گئ ہے" 

اردو پاکستان کی قومی زبان ہے- ہم اگر بات کرتے ہیں اردو کی تو دیکھا جائے تو اردو کی اہمیت کہیں کھو سی گئ ہے- پاکستان میں رہنے والے لوگ اردو کے بجائے انگریزی بولنے اور سیکھنے میں زیادہ فخر محسوس کرتے ہیں- یہاں تک کے والدین بھی اپنے بچوں کو ایسے اسکولوں میں داخل کرانے کے خواہشمند ہوتے ہیں جہاں فر فر انگریزی بولی جاتی ہو- آج کل توکچھ اسکولوں میں اساتذہ طالب علموں کو کلاس روم میں اردو میں باقاعدہ بات کرنے کی اجازت بھی نہیں دیتے ہیں-

   آج کے ترقی یافتا دور میں انگریزی کو زیادہ اہمیت دی جارہی ہے اور وہ لوگ جونا ٹیھک سے انگریزی بول سکتے ہیں اورنا ہی سمجھ سکتے ہیں اگر وہ کسی ایسی تقریب میں چلے جائیں جہاں اردو بولنے والے کم ہی ملیں تو وہ اندر ہی اندر شرم محسوس کرنے لگتے ہٰیں اور انگریزی بولنے والوں کی گرد ایسے شخص کو کم تر سمجھا جاتا ہے اور وہ لوگ یے کیوں بھول جاتے ہیں؟؟؟ کے انکی قومی زبان تو اردو ہے انگریزی نہیں تو انہیں اپنی قومی زبان بولنے میں بالکل بھی شرم محسوس نہیں کرنی چاہیئے بلکے اپنی قومی زبان اردو کو اہمیت دینی چاہیئے اور اسکی قدر کو برقرار رکھنا چاہیئے-

پاکستان میں رہنے والا فرد اگر نوکری کی تلاش میں نکلتا ہے تو اسکے لیئے اب یے ضروری ہوگیا ہے کے اسے اردو کے ساتھ ساتھ انگریزی بھی لازمی آئے- اخر ایسا کیوں ہے؟؟؟

اردو میں لکھی گئی کتابیں وغیرہ بھی نسبتاً انگریزی کے زیادہ آسان ہوتی ہیں کیونکے ہر شخص با آسانی اردو سمجھ بھی سکتا ہے اور بول بھی سکتا ہے لیکن وہ شخص جسے انگریزی نا آتی ہو تو اسے انگریزی کی کتابیں  پڑھنے میں مشکل ہوتی ہے اور وہ با آسانی اسے سمجھ نہیں پاتا تو ایسے شخص کے پاس انگریزی سمجھنے کیلئے کسی اچھی سی لغت کا ہونا ضروری ہوتا ہے-

اگر بات کی جائے دوسرے ممالک کی مثلاً چین میں اگر کوئی فنکشن یا فیسٹیول منایا جاتا ہے تو وہاں کے لوگ اپنی زبان کو ترجیح دیتے ہیں- لیکن اگر پاکستان مین کوئی فنکشن کا انعقاد کیا جائے تو وہاں اپنی قومی زبان اردو کے بجائے انگریزی زبان کو اہمیت دی جاتی ہے جبکے ایسا نہیں ہونا چاہیئے-

یہاں میں اردو یا انگریزی کی اچھائی یا برائی کی بات نہیں کر رہی بلکے یہاں بات کی جا رہی ہے اپنی قومی زبان کی اہمیت کی- انگریزی سیکھنا یا بولنا اچھی بات ہے پر اپنی قومی زبان کی اہمیت کو بھلا بیٹھنا یے ٹیھک نہیں تو ہمیں چاہیئے کے ہم اپنی قومی زبان کو زیادہ سے زیادہ اہمیت دیں اور اپنی قومی زبان اردو کی قدر کریں-